Shoormedia.com شور میډیا به تاسو ته کره، دقیق خبرونه او په زړه پورې لیکنې او مطالب خپروي.
نه زور مني نه عذر نه زارۍ بلا وهلـې
نو چاته دې ساتلې ده خولګۍ بلاوهلې
ته دا د غلا مزل ګوره او دا سپینې جامې
دا څومره ژر راوخته سپوږمۍ بلاوهلې
ډیر وخت وشو چې نه ښکاري بیخي ده نادرکه
بیخي ده رانه ورکه مکتبــۍ بلا وهلې
ښایسته نازکې ګوتې دې قلم سره جوړیږي
اوښان دې درنه پاتې شي کوچۍ بلا وهلې
کتاب مې د لیلا او دمجنون ورته تمام کړ
خو بیاهم پوهه نشوه په یارۍ بلا وهلي
جانانه چې یا موږ پورې دا نوم د ملا نه واي
یا داده خلقي لور نه وای خلقۍ بلاوهلې.
جانان خدرخیل
.دلته راسره یو ځای شئ
